السي في هي طريقة لتقديم نفسك لصاحب العمل وكل ما كانت متنظمة كويس هياخد عنك انطباع كويس يزود فرصك في الشغل ودي 7 نصائح عشان تعمل سي في
1- الصورة تكون فورمال وخلفية سادة
2- الايميل بتاعك يكون فورمال مثال : لو اسمك احمد محمد هايبقي ايميلك Ahmedmohamed@gmail.com لو مش متاح زود ارقام مش كتير بحيث الاسم يبقي بارز في اسم الايميل نفسه اكتر من الأرقام
3- معلوماتك تكون واضحة وخبراتك تكون واضحة والأماكن اللي اشتغلت فيها تكون حقيقية
4- تصميم السي في بيوضح خبراتك ومعلوماتك بشكل ميرهش عين اللي هاتقدمله السي في ويعرف يلاقي معلوماتك بشكل اسرع
5- حاجات مهنية : اللغات بتفرق جامد في أي شغل فاتعلم لغة وزود خبرتك في مجال شغلك
6- حاجات مهنية : الخبرات العملية حتي لو كانو مكانين بس كنت مستقر فيهم فترة هايبقي افضل من 10 أماكن وكل واحد قعدت فيهم 6 شهور
7- الخبرات التعليمية : اكتب اللي درسته والكورسات اللي اخدتها والشهادات اللي حصلت عليها بشكل واضح وده يديلك مساحة عن غيرك انك تكون موجود في الوظيفة.